SOĊJETA’ FILARMONIKA SANTA MARIJA MOSTA

TRIQ IL-KUNGRESS EWKARISTIKU, MOSTA. TEL: 21433871

Cirkulari : 03/10                                                                   25 ta’ Novembru 2010

Għeżiż  Soċi,

                         Nibda billi navżakom illi l-Laqgħa Ġenerali Annwali ser issir nhar il-Ħadd 12 ta’ Diċembru 2010 fl-10.00am.

Il-laqgħa, skond l-istatut ser titmexxa b’din l-aġenda :

• Qari tal-minuti ta’ l-aħħar laqgħa.
• Indirizz tal-President.
• Rapport Amministrattiv tas-Segretarju.
• Rapport Finanzjarju tal-Kaxxier.
• Qari ta’ rapporti ta’ Kummissjonijiet, sotto-kumitati u s-sezzjoni żgħażagħ.
• Ħatra ta’ żewġ awdituri mis-soċi tal-każin li ma jkunux fil-kumitat.
• Emendażi ta’ l-istatut.
• Mozzjonijiet jew kummenti oħra.
• Tmiem il-laqgħa.

Jistgħu jinġabru formoli  għal membri tal-kumitat mingħandi.  Dawn iridu jiġu ritornati sa nhar it-Tnejn 6 ta’ Diċembru fis-7.00pm.  Il-formoli jridu jkunu ffirmati min-nominant fimkien mal-proponent u s-sekondant li jridu jkunu kollha membri mħallsa tas-Soċjeta’.  Sa l-istess ġurnata  ser jintlaqgħu wkoll mozzjonijiet u emendi għal-istatut liema formola wkoll tista’ tingabar mingħandi.

Bħala membri fil-kumitat, ser ikun hemm nomini għal kull kariga. Dawn huma :

• President
• Segretarju
• Teżorier
• Membru f’isem in-Nar ta’ L-Art
• Membru f’isem in-Nar ta’ l-Ajru
• Membri f’isem il-Banda
• Membru f’isem is-Sezzjoni Żħażagħ
• Membri Ġenerali

F’każ li jkun hemm bżonn ta’ elezzjoni f’xi kariga, skond l-istatut din issir il-ġimgħa ta’ wara, jiġifieri il-Ħadd 19 ta’ Diċembru bejn it-8.30am sal-11.00am.

QUDDIESA TAL-MILIED U XMAS LUNCH 2010

Il-quddiesa tal-Milied bis-sehem tal-Banda tas-Soċjeta’ flimkien mal-kor Santa Margerita ser issir nhar il-Ħadd 19 ta’ Dicembru fil-11.00am.

Wara fin-12.30pm ser niltaqgħu ġewwa s-‘Santana Hotel’ għal ‘Xmas Lunch’. Tistgħu tixtru l-biljetti mingħand kull membru tal-Kumitat. Il-prezzjijiet tal-kbar huma ta’ €19, tfal taħt l-10 snin €10, u tfal taħt 5 snin b’xejn. Ser ikollna transport mill-pjazza f’nofsinhar u anke lura fl-4.00pm. Nispera li narawkom għal din l-aħħar attivita għal din is-sena.

SAGGIO 2010

Din is-sena s-Saggio li jsir fis-Sala tal-Kunsill Lokali mhux ser isir.

KIRI TAL-BAR TAS-SOĊJETA’

Bħalissa qed jintlaqgħu offerti għal kiri tal-bar. Dawn jistħu jinġabru mingħandi għal-prezz ta’ €20.  L-offerti mimlija jridu jidħlu lura għandi magħluqin f’envelope sa mhux aktar tard mid-9 ta’ Diċembru fis-7.00pm.

TESSERA 2010

Irrid infakkrek illi minn nhar il-Ħadd 12 ta’ Diċembru ser inkun qed niġbor il-flus tat-tessera għas-sena 2011. Nitolbok tagħmel dan kemm jista jkun malajr. Tinsiex illi meta int tidħol membru, apparti l-fatt li tkun qed tgħin is-soċjeta’ finanzjarjament,  tkun qed tagħmel dan biex fl-aħħar mill-aħħar din il-familja tas-Soċjeta’ Filarmonika Santa Marija tkompli tikber. Apparti l-fatt illi tkun tista’ tirċievi kopja tal-annwal tal-festa b’xejn.

‘BAZAAR’ TAL-MILIED U WIRJA TAL-PRESEPJU 2010

IL-Bazaar tal-Milied ser ikun miftuħ fil-pjazza biswit Dome Jewellery ser jinfetaħ minn nhar il-Ġimgħa 3 ta’ Diċembru.  Il-ħinijiet tal-ftuħ huma hekk : Sibt,, Ħadd u festi  : mid-9.00am sa nofsinhar u mill-5.00 sas 7.00pm. Fost il-ġimgħa mil 5.00pm sas 7.30pm. Ejjew ixtru ħalli tgħinu lis-Soċjeta’.  Il-wirja tal-presepju mtellgħa mis-Sezzjoni Żgħażagħ ser tkun fi Triq il-Kurat Calleja. Din ser tiftaħ mit-12 ta’ Diċembru sat-2 ta’ Jannar 2011 mill-5.00pm sad-9.30pm. Lejliet il-Milied il-wirja iddum miftuha sa nofsillejl u l-Ħdud u festi pubbliċi tkun miftuħa wkoll mid-9.00am sa nofsinhar.  

Eric Frendo

Segretarju.

SOĊJETA’ FILARMONIKA SANTA MARIJA